Silap pissusaa Statens Naturhistoriske Museum-imi
Immikkut saqqummersitsinermi Silap pissusaa – nunarsuaq allanngoriartortoq ilisimatuut silap pissusaata allannguutaannik isiginninnerat qanorlu iluarsiiffigineqarsinnaanerannik isumaat takusaasunut misigitinneqassapput.
Tunngaviusumik apeqqutit akissutillu atorlugit aamma atortut, filmit, assit aalasuliallu ikiorsiullugit sammisat ajornakusoortut uummaarissumik saqqummersinneqassapput. Saqqummersitsinermi silap pissusaata allannguutai inunnit pilersitaasut misigitinneqassapput aamma immami, nunami sikumi silaannarmilu allannguutit takutinneqassallutik. Tamatuma saniatigut tassani oqaluttuarineqarput nukissiuuteqarnikkut allaanerusunik atuilluta allannguutit qanoq iliuuseqarfigisinnaanerivut.
Saqqummersitsineq nunani tamalaani katersugaasiviit pingaarnerpaat arlallit silallu pissusaanik ilisimatuut suleqatigalugit angalaartitassatut saqqummersitaavoq. Saqqummersitsineq 2008-imi oktobarimi American Museum of Natural History-imi ammarneqarpoq. Statens Naturhistoriske Museum immikkut danskit tungaannit isigalugu ilanngussaqarpoq taaneqartumikThe Danish Perspective.
Silap pissusaa - nunarsuaq allanngoriartortoq Københavnimi Botanisk Have-mi 2009-imi oktoberimiit 2010-mi marsimut takuniarneqarsinnaavoq.