ACIA, Arctic Climate Impact Assessment
ACIA Issittumi silap pissusaata allanngornerisa isumaannik naliliisussatut suliassaqarlutik nunanit tamalaaneersunit ilisimatusartut peqatigiissitat.
ACIA 2002-mi pilersinneqarpoq Arktisk Rådimit, Issittumi Siunnersuisoqatigiiffik aamma den Internationale Arktiske Videnskabelige Komitémit, IASC-mit, FN-ip Silap pissusaanik Paasisimasalinnut assingusumit.
ACIA-p suliassarai:
- Issittumi silap pissusaani ilisimasanik aamma allanngorarnernik allannguutinillu, tamakkulu sunniutaannik katersuillunilu nalilersuinissaq
- Issittumi naalagaaffinnut, kattuffeqatigiinnut innuttaasunullu politikkikkut aalajangiinissamut tapersersuutissanik paasissutissat atorsinnaasut tutsuiginartullu pissarsiarinissaat
Assersuutigalugu inuiaqatigiit ineriartorneri pillugit aalajangiinernut atatillugu ilisimatuut silap pissusaani allannguutit sunniutaasa qanoq akulerussuutsittariaqarnerinut innersuuteqartassapput.
2004-mi ACIA nalunaarut Impact of ad Warming Arctic - Arctic Climate Impact Assessment saqqummersippaa, taannalu ACIA-p nittartagaanit pissarsiarineqarsinnaavoq uani
ACIA-p nalunaarusiaa siulleq Issittumi silap pissusaani allannguutit politikkikkut paasineqarnerinut saqqummeqqaarfiuffittut naatsorsuutigineqarpoq.
Nalunaarutip pingaarnertut inerniliissutai:
- Issittumi silap pissusaa piaartumik kissakkiartorpoq naatsorsuutigisariaqarpullu allannguutit maannamut naatsorsuutigisanit annertunipilussuit
- Issittumi kissakkiartuaarneq aamma silap pissusaani allannguutit sunniutaat nunarsuarmut tamarmut kinguneqartuupput
- Issittumi naasoqarfiit assigiinngitsut siammartiternerisa allanngornissaat ilimagisariaqartuupput, tamakkulu sumorsuaq kinguneqartitsisussaapput
- Uumasut artiisa imminnut attaveqarneri, amerlassusaat, siammarsimaffeqarfii agguataarnerilu allanngussapput
- Sineriammi inuiaqatigiit aamma ingerlassat anorersuarnit eqqorneqarnerusalissapput
- Sikup siammarsimassusaata annikillinera qularnanngitsumik umiarsuarmik angallattoqarnerulersitsissaaq, aammalu gassimik, uuliamik saffiugassanillu isumalluutinut attavissiilluarnerussalluni
- Aannerup angallanneq, illut allatullu attaveqarfiit ajasoortissavai
- Nunap inoqqaavisa inuiaqatigiivisa aningaasaqarnikkut kulturikkullu sunnertinnissat annertoorsuit naapittussanngussavaat
- Inunnik, naasunik uumasunillu qinngornerit ulorianartut ultravioletit annertusisut sunniissapput
- Atuuffeqarfiit arlallit imminnut kimitstiterput inuit uumaffiillu sunniuteqarfigalugit
Pingaarnertut inerniliissutit itisilerneqarneri uani