Kissakkiartuaarnermut tapullugu annertunermik apisalernerata/siallertalernerata Kalaallit Nunaanni naasoqarnermut atugassarisat allanngornissaannik nassataqassaaq.
Kujasinnerusumiittumi, issaasannermi, naasut alliartorfiat sivitsussaaq naasoqarfillu naggorinnerulissalluni. Naasuni suussutsit nutaat tamaani naasinnaassaqqoorput.
Issinnerpaaffiusumi naasoqarnerfiusoq immaqa aamma sivitsussaaq. Kujasinnerusumi suussutsit tamaani naasinnaalissapput, kissannerullunilu annermik siallertalissammat. Issinnerpaaffiup allatut oqaatigalugu issaasanneqarfik assigiartuinnalissavaa. Ilutigalugulu naasut suussusii issinnerpaaffimmi naasinnaassuseqartut aarlerinartorsiortitaassapput imaluunniit immaqa tammavissallutik.
Issittup kissakkiartuaarnera uumasut, minnerunngitsumillu sullinerit suussusiinut arlalissuarnut uumasuunissamut atugassarisanik pitsaanernik pilersitsissaaq. Issinnerata qanimaannerpaat pinnagit artukkersissimasaraluarlugit silap pissusaata kissarnerusup ataasiakkaartut amerlanerit aniguisalernissaannut peqataaqataalissaaq.
Nunalerineq: Periarfissat nutaat
Silap pissusaata allanngorneratigut nunalerineq immaqa nutaanik periarfissaqalissaaq. Naasarfikkaat kissakkiartornerup avannamut nuutsippai, aammalu aasaq sivisuneq kissarnerlu naatitanut nutaanik periarfissiisinnaassaaq. Aamma iluanaarutit annertusinissaat naatsorsuutigineqarsinnaavoq. Maani annermik atuagassaqarpoq.