Pinngortitaleriffik Namminersorlutik Oqartussat pinngortitap ilisimatusarfiuneranut qitiutippaat. Tassani isumalluutinik uumassusilinnik ilisimasat ineriartortitaassapput. Ilisimasat Pinngortitaleriffiup Namminersorlutik Oqartussanut siunnersuutaanut tunngaviussapput, kissaatigimmassuk isumalluutit, avatangiisit uumasullu assigiinngiiaarnerat nungusaanani atorneqarnissaat.
Pinngortitaleriffiup siulersuisui Naalakkersuisunit taakkualu soqutigisaqaqatigiittut toqqagaannit inuttaligaasarput.