CO2-mik aniatitsinerup ”nioqqutaanera”

CO2’mik naatsorsuutit oqimaaqatigeeqqullugit nunap CO2’mik aniatitsinini millisissinnaavaa, CO2–kvotemik pisilluni imaluunniit sumik sanaartorluni CO2-kredit’eqaataasinnaasumik. CO2-kvotinik pisineq CO2’lluunniit kredit’eqaatiginera atorneqarajuppoq aniatitsinermik millisitsinerit kingulliit akisuujusarmata.

Pisussaaqataaneq Kyotoprotokol’imiittoq malittariumallugu nunat EU’miittut CO2-kvotitigut niueqatigiiffeqalerniarlutik 2005-imi isumaqatigiippput. Tamatuma siunertaraa CO2’mik aniatitsineq akikinnerpaamik pisariinnerpaamillu millisarniarlugu. Nunat CO2’p naatsorsuutaani sinneqartoorutillit kvotitik tunisarsinnaavaat, nunallu aniatitsinikillinissamut allatut iliorlutik angummanneq sapersut kvotinik pisisinnaapput.

CO2’mik aniatitsinermi kvotisiassat akiisa tunisassaqassusia pisiumasoqassusialu najoqqutaraat Maannakkut CO2-kvotimut akiuvoq 10 €, tassa koruunit 135 (2009’mi apriiliugaa).

Kalaallit Nunaat namminersortutut Kyotoprotokol’imi peqataannginnami Danmark avaqqullugu kvotinik kredit’inillu pisisinnaanngilaq.

Kvotit
Co2-kvotip ataatsip naligaa piffissami aalajangersimasumi CO2’mik ton’imik ataatsimik aniatitsinissamut akuerisaaneq.

CO2-kvotinik niueqatigiinnerup immini gassinik kissapiloortitsisunik aniatitsineq millisarsinnaanngilaa. Niueqatigiinnerulli aningaasartaasa CO2’mik aniatitsineq millisikkumallertissinnaavaat, soorlu nukioreersumik iluaquteqalernissaq akikinnerussappat.

Kredit’it
CO2-kvotisinissamut taarsiullugu qinerneqarsinnaavoq CO2’p aniatinneranut millisssutaasinnaasunik, taamalu klimamut iluaqusiisinnaasunik, sanaartorneq.

CO2-kredit’imik pisissutaasinnaavoq aatsaat sanaartornerup naammassineqarluni CO2’mik aniatitsineq millisissappagu. Soorlu mingutsitsinani nukissiorneq suliffissuaqarnerlu sanaartuutaaniarpat imaluunniit nunani kinguarsimasuni eqqaanerup pitsanngortinnissaa anguniagaappat CO2-kredit pisiarineqarsinnaavoq.

Sanaartornerit CO2-kredit’imik pisissutaasinnaasut ukuupput: Joint Implementation, JI aamma Clean Development Mechanism, CDM.

Joint Implementationip ataani sanaartukkat CO2’p anitinnera millisissavaat nunani Kyotoptokol malillugu pisussaaqataareersuni, soorlu Europap kangiani nukioreersoq nukissiuutaalersinniagaappat.
Clean Deveopment Mechanism’ip ataani sanaartukkat CO2’p aniatinnera millisissavaat nunani Kyotoprotokol malillugu pisussaaqataanngitsuni, soorlu Senegalimi eqqaavilerineq imaluunniit tassani suliffissuit pujoorlutik gassimik aniatitaat iluarsartuussiviginiagaappata.

CO2-kredit’p naligaa 1 ton CO2, apriilimi 10 € - koruunit 75’it – akigalugit, akiliulli 2012’ip tungaanut qaffangaatsiassasoq ilimagineqarpoq.

Denne side er printet fra www.cop15.dk/klimapolitik/kyoto_og_rigsfaellesskabet/co2_kvoter/