Grønlands Innovationscenter
Grønlands Innovationscenter, GIC tassaavoq illu issittut pillugit teknologimik inerisaanermi suliffiusoq. Illumi tassani 2006-imiilli sulliviulersimasumi namminersortut sullivii aamma inuussutissarsiutinik aallarnisaasut suleqatigilluinnarlugit ukkanneqaput illuliortiternermi sanaartornernilu periaatsit, nukissiornerit, atortussiassanik iluaqutiginninniarnerit avatangiisinillu mingutsitsinaveersaarinerup iluanni imminut akilersinnaasumik inuussutissarsiutitut pilersaarutinik pitsanngorsaaviginninnissaq isumassarsianillu isertitaqaatissatut tunisaqartarnissaq.
GIC ARTEK-imik suleqartiginnippoq, taamalu aallarnisaasut Kalaallit Nunaanneersut ilinniarfinni ilisimasanik, ilisimatusarnernik ineriartortitsinernillu iluaqutissarsisinnaanngorlugit. Taamaasilluni pilersaarutigisat sunniutilimmik ingerlanneqarsinnaanngortinneqassapput illuatungaani ilisimatusartut kalaaliusut, aallarnisaasut innussutissarsiuteqareersullu illuatungaanilu nunat tamalaat sanaartornerit, nukissiuutit avatangiisinullu tunnngasut tungaasigut immikkut ilisimsalittut inuttarititaasa suleqatigiinnerisigut.
Nukissiuutinut tunngasuni GIC ARTEK-imi suleqateqarluni ilaatigut tunisassiornerni uuliamik atuineq annikillilerniarlugu isumassarsianik siuarsaasartussaavoq, suliffissuartigut tunisassianik, tunisassiornernik suleriaatsinillu pitsanngorsaaviginnissinnaalluni kiisalu najugarisami nukissiorfinnut uuliamik atuikinnerulersitsiniaasinnaalluni.