Brintiliorneq
Nukissiorfiit brintip nukissatut atugassatut sanaartornermik, angallassinermik atugaqarnermillu piviusuni misilittagaqarniarluni Nuummi misileraanertut tunngaveqartumik brintiliornissap aallartinnissaa pillugu piffissap ilangaatsiaani anguniagaqarsimapput. Maannakkut iliuusissatut pilersaarut aallartinneqarpoq, 2009-llu ingerlanerani brintip misiliutitut sanaartornerata aallartisarnissaa Nukissiorfiit naatsorsuutigaat. Sanaartorfik saqqummersitsivittut aamma atuutissaaq, taassumalu innuttaasut brintimik aamma ikummatitut cellinik ilisimasaqarneri annertusassavai.
Nunguttussaanngitsutut nukissaqarfinnit atugaqarluni, soorlu imermik, anorimit, seqinermit imaluunniit biomassemit brintiliortoqassappat tassaassaaq ikummatissaq CO2-qanngitsoq. Aammalu najugarisami mingutsitsinissamut brintimik atugaqarneq patsiseqartitsinngilaq. Sinnikutuaq tassaavoq imeq. Nuummi sanaartortoqarpat erngup nukissiorfimmit, illoqarfimmik pilersuisumit sinneqartoorutaasartoq atorneqassaaq. Pisarneruvoq aasakkut, qaamallunilu nillerpallaannginnerani sinnilimmik innaallagialiaq annertusarpoq.
Kalaallit Nunaannit, Islandimit aamma Savalimmiunit soqutigisaqaqatigiit 2005-imi nukissamik suleqatigiinneq aallartippaat;
North Atlantic Hydrogen Association, NAHA, taannalu brintip atugarineranut periarfissaasunik aamma ilisimasaqarnerup siammarternissaanut peqataaqataassaaq. Ataatsimeersuarneq aallarnersaataasoq Nukissiorfinnit aaqqissuunneqarlunilu Nuummi pivoq. Ullumikkuttaaq NAHA Norgemit, Nunavumit, Canadami kiisalu Orkney aamma Shetlandip qeqertaani, Tuluit Nunaanni ilaasortaqarpoq.
Tusagassiorfinnut Nalunaarut, 17. juli 2009
Kalaallit Nunaanni brint atorlugu nukissamik toqqorterinikkut nukissaq piujuartoq annertusitinniarneqarpoq.
Annertunerusumik atuarit uani.
H2KT-mil suliniut pillugu piviusut
Brint & brændselscelleanlæg. Foto: Nukissiorfiit