Nukimmik atuinerup annikillisinnissaa
Ikummatissanit uumassusilinnit pilerfeqartunit tunngaveqartumik nukissiornermit nunguttussaanngitsumik nukissiorfinnut ikaarsaariarnissamut kalaallini inuiaqatigiit assorsuaq suliniuteqarnerat ilutigalugu nukimmik atuinerup annikillisinnissaanik sunniuteqarluarnerulernissaanillu iliuuserisat aamma ingerlanneqarput.
Nukissamik pilersuisoqarfik Nukissiorfiit siunnersuinermik paasissutissiinermillu suliniutinut atatillugu suliaqartuuvoq, tamakkulu innuttaasut nukissap sipaaruteqarfigineqarnissaa pillugu ilisimasassanik piumassusissamillu tuniniassavai. Immikkut ittutut suliniutaasoq tassaavoq annertoorsualiaralugu avataanit nalunaarsuinissamik suliniut.
Kalaallit Nunaanni patsisit pitsaasut arlalippassuit nukissamik annertungaatsiartumik atuisitsipput. Silap pissusaa ilungersornartoq patsisaasuni pingaaruteqartuuvoq, ilutigalugulu najugaqarfiusut annikitsuaraasorpassuit siammarsimasupilussuillu nukissap sunniuteqarluartumik atugarinissaanut ajornakusoortitsipput.
Tamatuminnga nukissamik pilersuiviusumi iliuusissat assigiinngitsut aaqqiiniartussaapput, ilutigalugulu illulianik ineriartortitsinerit suliniutigineqarput, taakkunani najugaqartut ilorrisimaarnassutsimik annikilliliisitsisariaqartinnagit nukissamik atugaqarneq malunnartumik annikillisarneqarluni. Illu nukimmik atuinikitsuliaq pillugu annertunerusumik atuagassaqarpoq.
