Nukimmik atuinerup avataanit nalunaarsornera
Nukissiorfiit suliniut annertoorsuaq maannakkut aallartissimavaa. Tassaavoq Kalaallit Nunaanni innaallagissamik, imermik aamma kiassarnermik atukkamut uuttortaatit tamaviisa taarsersorniarneri, avataanit nalunaarsuisarnermik atuuffittalinnik uuttuutinik nutaanik taarsersorlugit. Atukkamut uuttortaatit pioreersut tamaasa, katillugit 43.000-it missaat taarserneqarnissaat anguniarneqarpoq. Tamatuminngalu ukioq 2014-imi naammassisaqarsimanissaq naatsorsuutigineqarpoq.
Nunamut tamavimut ataasiinnarmik avataanit atukkamut uuttortaat
inik atuisoqartitsilerneq nunarsuarmi siullermeerutaavoq, suullu tamaasa tunngavigalugit isummeraanni Kalaallit Nunaanni suliniutaavoq ingerlassassanik piareersaataallunilu aqutsiviusoq siusinnerusukkut pisimasuni assissaqanngitsoq.
2007-imi upernaakkut nunaqarfimmi Sarfannguami piareersaatitut sammisamit misilittakkat tunngavigalugit avataanit nalunaarsuineq suliarineqarpoq.
Pitsaanerusumik sullissinissaq aammalu nukissamik sipaarutaasut imaannaanngitsut anguniagaapput. Nukissamik sipaaruteqarnermut periarfissaasut pitsaapput, minnerunngitsumik namminneq innaallagissamik atuinerminni nal. akunnerani naleqassutsinik atuisuusut malinnissinnaammata. Angerlarsimaffinni nukissamik sipaaruteqarnermut tunngavigisaq tassaavoq annertunerusumik nukissap tungaatigut ilisimasaqarnerit. Tassungalu anguniaaffiusoq tassaavoq atugaqarnermik erseqqissumik, akulikitsumik eqqortumillu nalunaarsuisarneq.