Attaveqarfiit
Kalaallit Nunaanni attaveqarfinnut kissakkiartorneq aalajangiisumik sunniuteqarfiusinnaavoq.
Illua’tungaatigut immami siku aakkiartortoq immami angallannermut nutaanik pitsaanerusunillu atugassaqartitsissaaq. Illua’tungaanilu nunap qeriuaannartup aakkiartornera nunami ajornartorsiortitsilissaaq. Kalaallit Nunaanni illoqarfinni anginerni arlalinni attaveqarfiit inissiallu ilaat nunami qeriuaannartumi toqqaveqartuupput. Taamaalillutik kissakkiartuinnarneranit aqqusernit, mittarfiit, illut aamma ledningit aqqutaat aserorneqarsinnaapput. Nunap qeriuaannartup sunniutai pillugit annertunermik atuagassat.