Inuit kulturiannut unammillerfik
Issittoqarfinni nunap inoqqaavi, Inuit, tamatigut avatangiisuminnut pinngortitamut, arlalissuillu suli inuussuteqarfigisaminnut naleqqussartuarsimapput. Tamanut assingiimmik atugassat tassaapput nunarsuarmi uummavinni mianernarnerpaat ilaanni, silap pissusaata allannguutaannut tunngatillugu immikkut ittumik eqqorneqarsinnaasuni najugaqarmata.
Kalaallini inuiaqatigiinnut, tassalu qanga atugaasarsimasunut inuusaatsimullu naleqqiullugu Inuit kulturiat aalajangiisumik pingaaruteqarpoq. Naak assersuutigalugu inuussutissarsiummik taassuminnga inuussutillit ikiliartuinnaraluartut kalaallit nerisaat piniartutut kultureqarnermit ersersinneqarput, soorlulusooq kulturitoqqamit ullutsinni atuakkioriaaseq, eqqumiitsuliorneq nipilersornerlu assorsuaq anersaanitsiviusut.
Taamaattorli pinngortitamik silap pissusata allanngorneri sunniuteqarfigai, taamaattumillu aamma – timikkut tarnikkullu – kalaallini kulturi. Piniartunut immami siku suliffiuvoq pingaartoq, sikulu allanngorariartuinnalerpat piniartunut aalisariarnissaq piniariarnissarlu ajornakussooriartuinnalissaaq.
Silap pissusaata allannguutai pillugit nunani tamalaani oqallinnermi politikerit ajornartorsiuteqarfimminnik soqutiginngitsut Nunap inoqqaavisa sinniisui arlallit isumaqarput. Ataatsimoorullugu oqaaseqaammi NGO-t, soorlu IWGIA, International Work Group for Indigenous Affairs aamma Forest Peoples Programme aalajangiuppaat avatangiisit, pinngortitap aamma pisussaatitaallutik nunap inoqqaavisa inuuniarnerminnut periarfissaasa akornanni qanimut ataqatigiissuseq silap pissusata allannguutai pillugit nunani tamalaani oqallinnerup manna tikillugu qarsupiinnarsimagaa.
Silap pissusaanut tunngasunik ataatsimeersuarneq
Alaskami Anchoragemit Nunat inoqqaavi apriilimi silap pissusaanut tunngasunik ataatsimeersuartitsipput, taaguutilimmik Indigenous Peoples Global Summit on Climate Change. Tamaani peqataasut misilittakkat aaqqiissutissatullu periarfissat oqallisigaat, inerneralugu Københavnimi COP15-imut atatillugu atugassamik oqaaseqaasiaq.
Ataatsimeersuarneq. pillugu annermik atuagassaqarpoq.
Nunani tamalaani kattuffimmit ICC-mit Inuit kulturiata soqutigisai isumagineqarput.